LUWA PARA HA MASLOG
An PAMILYA Santiago nga Demonyo
ngan han BAHUBA…
Mga katawhan han Maslog,
Pangandoy niyo tikang ha langit nahulog,
Akon solusyon pinaagi his istorya,
Han pamilya nga Demonyo ngan han Bahuba.
An parag-uma nga klase nagtalinguha,
Nga tikang han kakurian masalba,
Nag-aram han pula nga aradman,
Basi katawhan iya pagserbehan.
Hira wara pag-iha nalamragan,
Tipaunan-o tinuod nga katalwasan makakaplagan,
Hira pula nga Bahuba,
Tikang han paging simple nga parag-uma.
Hira Bahuba nga guin-ngaranan,
Kaaway ira nira pina-abatan,
Bertud han pula nga hustisya,
Mga teritoryo, mga rinaug-daug tingan hin hulagwa!
An mga demonyo nga
Santiago nag-aram ha busag,
Lugar han reaksyunaryo – ha katawhan bulag,
Pagbabag-o nadiri hira,
Kay ira prinsipyo an maka-iya!
Hira wara kalamragi,
An panhunahuna ura-ura ka urhi!
Hira han katawhan naging demonyo,
Pangabuso, panguwat, pamatay ira panuyo!
Bok ngan pamilya
Santiago ira bantugan,
Maslog, paghahadi hin makaklase ira ginsabragan,
Kairo niyo nga ira katawhan,
Pama-agi nira wara gud kauswagan!
Pamili kam yana han demonyo o han BAHUBA!
Usa in magdadara hin maiha nga kapakyasan,
Usa in maghahatag hin katalwasan,
Kun ako aada ak han BAHUBA igkasi ko parag-uma…
By: k. sinag
para ha Maslog E. Samar…
